Archif oral

L'archif oral é cotan de plü co ma na racoiüda de stories. Al é n punt danter passé y presënt, al é usc che cunta de intreciamënc, che ne pó nia gní desfac, de avenimënc, porsones y posć che á formé la comunité de lingaz talian tl Südtirol.

Tla Biblioteca provinziala él l'archif dles fontanes orales, n proiet pié ia dl 2003 cun le sostëgn scientifich dl storich Giorgio Delle Donne.

L'archif oral cöi adöm les intervistes de passa 170 porsones, registrades te n format audio y video che fej fora indöt passa 240 ores de testemonianzes. Les intervistes tira ite figöres d'importanza te seturs dla vita locala, sciöche la cultura, la scora, l'informaziun, l'ert, la musiga, la politica, l'economia y le laur.

Vigni intervista ti vá do a n schema a puntin: na pröma pert cun indicaziuns biografiches generales y na secunda cun domandes spezifiches sön la porsona intervistada. Chëstes testemonianzes mostra aspec dla storia locala gonot lasciá sön na pert, dala politica al'ert cina ales stories dla vita da vigni dé. La usc dles porsones intervistades ti dá na dimenjiun personala ala storia locala y nazionala, alzan fora les sfomadöres dles esperiënzes individuales y coletives.

Prenotede la vijiun tla sënta dles intervistes tres le catalogh Explora.