![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Imprëst interbibliotecar
Cun le sorvisc d'imprëst interbibliotecar vára da damané do libri y documënc che n'é nia tla biblioteca, mo che é te d'atres istituziuns.
Le sorvisc vëgn ma fat danter biblioteches.
Sce i orëis savëi avisa sciöche le sorvisc funzionëia, consultede les seziuns sön l'imprëst provinzial y sön chël nazional/internazional.
L'imprëst interbibliotecar coliëia la Biblioteca provinziala cun tröpes biblioteches te d'atri comuns dl Südtirol. I podëis damané do libri y media che n'é nia te Osta biblioteca, contatan öna dles biblioteches che toca pro chësc sorvisc.
Les domandes pó gní fates personalmënter o tres e-mail, scrion a chëstes misciuns:
Le sorvisc é debann, ater co por i cosć de fotocopies eventuai. Les anuzadësses y i anuzadus é periá bel da respeté les condiziuns y les tomanzes stabilides dales biblioteches che imprësta fora.
Por informaziuns plü menüdes, sciöche por ejëmpl por avëi la lista dles biblioteches che toca pro chësc sorvisc, savëi sciöche an fej domanda y cares che é les condiziuns d'adoranza, consultede l'injunta informativa sön l'imprëst interbibiotecar.
Dede jö la domanda de porsona o ortiedela tres e-mail scrion fora le formular aposta
I podëis damané cina 3 documënc al iade
Le sorvisc é debann, mo i messarëis ti rete les spëises ala biblioteca che imprësta fora.
Tëmps y dorada:
Ara pó doré da 3 a 15 dis cina che i documënc röies adalerch.
La dorada dl imprëst vëgn stabilida dala biblioteca che imprësta.
Recordesse: i ëis la responsabilité di documënc che i ciafëis. Por intardiades o dagns pó le sorvisc gní sospenü.
Por de plü informaziuns:
e-mail: info@bpi.claudiaugusta.it
telefon: 0471 264444
Ultimo ajornamënt: 21/07/2025