![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Deponüda legala
La deponüda legala vëgn regolamentada dala lege di 15 d'aurí dl 2004, n. 106 dal D.P.R. 252/2006 y dales desposiziuns suandëntes te chësta materia.
Cun chësc sistem vëgnel garantí la conservaziun dl patrimone cultural nazional y regional ti surandan a istituziuns dades dant ejemplars de vigni publicaziun sciöche libri, revistes, foliec, documënc audiovisuai y d'atri materiai.
La lege vëiga danfora che al vëgnes cherié dui archifs, n archif nazional y n archif regional. Por formé chisc archifs mëssel gní dé jö cater ejemplars de vigni publicaziun.
Les Biblioteches nazionales de Roma y de Firenze gestësc i archifs nazionai. Di archifs regionai se crüzia la Biblioteca provinziala Claudia Augusta, por les publicaziuns tl lingaz talian y la Biblioteca provinziala Dr. Friedrich Teßmann, por chëres tl lingaz todësch.
Al é da ti ortié inant n ejemplar ala biblioteca nazionala de Firenze y un ala biblioteca nazionala de Roma.
Biblioteca nazionala zentrala de Firenze:
- Biblioteca Nazionale Centrale di Firenze Ufficio Deposito legale, Via Antonio Magliabechi, 6, I-50122 Firenze
Biblioteca nazionala zentrala de Roma:
- Material sön papier y CD ROM:
Biblioteca Nazionale Centrale di Roma
Ufficio Deposito legale, Via del Castro Pretorio, 105, I-00185 Roma
- Produziuns de musiga y video
Istituto Centrale per i Beni Sonori ed Audiovisivi, Via Michelangelo Caetani, 32, I-00186 Roma
- Publicaziuns legales:
Biblioteca Centrale Giuridica c/o Palazzo di Giustizia, Piazza Cavour, I-00193 Roma
Al é da ti dé jö ala Biblioteca provinziala Claudia Augusta dui ejemplars de chëstes sorts de material a chësta misciun:
Deponüda legala regionala
Sënta de surandada de documënc audiovisuai via Marconi 2 c/o Centro Trevi
39100 Balsan
- Foliec y revistes por talian
- Produziuns de musiga y videos, ilustraziuns y videos artistics, films (ince te n format digital), microfilms (sön portadac fotochimics sciöche negatifs de films), documënc generai sön portadac informatics (por ej. cd-rom, dvd y i.i.) (te düc i lingac).
Dui ejemplars de chëstes sorts de material é da ti dé jö ala Biblioteca provinziala Dr. Friedrich Teßmann a chësta misciun:
Deponüda legala regionala
Sënta de surandada materiala stampada
via Armando Diaz 8
39100 Balsan
- Foliec y revistes todësces y ladines
- libri, brosciüres, chertes geografiches y topografiches, atlanc, placac, jorantins, material da fá adöm, prospec, musiga stampada y publicaziuns che reverda manifestaziuns publiches organisades da ënc y assoziaziuns, ilustraziuns artistiches y fotografies, che é destinades ala publicaziun (te düc i lingac).
An pó ince dé jö adöm foliec y revistes. Te chisc caji vëgnel perié da controlé la prozedöra de iade en iade cun la porsona inciariada.
- Foliec y revistes por talian
Contat: Monica Marcon (info@bpi.claudiaugusta.it, m.marcon@bpi.claudiagusta.it)
- Foliec y revistes por todësch y ladin
Contat: Ester Turbiani (pflichtexemplare@tessmann.it, depositolegale@tessmann.it)
Etichëtes
Sön vigni ejemplar mëssel ester chësta scrita: “Esemplare fuori commercio per il deposito legale agli effetti della legge 15 aprile 2004, n. 106”. Chësta scrita mëss ince gní metüda cun la misciun dl mitënt sön les bustes adorades.
I ciafëis n model de etichëta tla seziun "Formulars".
Lista
Tla busta mëssel ester döes copies dla lista che conzed da identifiché atira i ejemplars y la biblioteca de deponüda.
Al é obligatore da adoré le model de referimënt tla seziun "Formulars".
La biblioteca controlëia la lista y ti dará ala porsona inciariada dla deponüda na copia cuntrafirmada dla lista da tigní sö sciöche recioiüda.
Responsabilité dla deponüda
L'edituria/L'editur o la redadëssa/le redadú che á la responsabilité legala é inciariá dla deponüda scenó él la stamparia che mëss fá la deponüda.
Termo de deponüda
Le material mëss gní dé jö te sessanta dis dala publicaziun.
Operes interessades dala deponüda legala
Düc i documënc y i produc editoriai, che s’adressëia al publich é sotmetüs ala deponüda legala. Al é anfat sce chisc produc vëgn venüs o sce ai vëgn scincá ia, sce ai vëgn fac o partis fora te na forma analogica o digitala.
Dal dovëi de deponüda legala vëgnel stlüt fora:
- i estrac,
- les proes de stampa,
- i formulars,
- les restampes zënza mudaziuns,
- i documënc por l'adoranza interna o privata y
- material de reclam ordinar por le comerz.
Sce i ëis dübi él tla seziun "Normes" les informaziuns legales da desćiarié.
Chiló él da ciafé:
- i formulars por surandé libri, revistes, foliec, documënc audiovisuai, placac
- la proposta por les etichëtes da mëte sön vigni ejemplar surandé y sön vigni busta che toca lapró.
Formular surandada libri Pdf, Word
Formular de surandada revistes/foliec Pdf, Word
Formular surandada documënc audiovisuai: Pdf, Word
Por de plü informaziuns contatede:
- Monica Marcon, Biblioteca provinziala taliana "Claudia Augusta", tel. +39 0471 264444, e-mail: info@bpi.claudiaugusta.it, monica.marcon@provincia.bz.it
- Ester Turbiani, Biblioteca provinziala todëscia Dr. Friedrich Teßmann, tel. +39 0471 471828, pflichtexemplare@tessmann.it