Deponüda legala

Cun la lege di 15 d'aurí dl 2004, n. 106 sciöche ince cun le regolamënt d'atuaziun D.P.R. 252/2006, él gnü reformé la deponüda legala. Cun la regolamentaziun nöia él gnü arjunt da öna na pert n adatamënt ales formes de publicaziun d'aldedaincö y dal'atra él gnü mudé so obietif. Deperpo che l’aspet dl control ê n iade plü important– da capí dal titul da denant - öga incö la deponüda legala por garantí la conservaziun dl patrimone cultural. Porchël él ince gnü chirí fora na denominaziun nöia: deponüda legala.

Insciö él gnü cherié por garantí l’arpejun culturala dui archifs, un a livel nazional y un a livel regional. Por arjunje chësc scrí dant la lege le dovëi da dé jö 4 ejemplars de vigni publicaziun.

Por realisé l’archif nazional vál debojëgn da ti ortié inant n ejemplar ala biblioteca nazionala de Roma y ala biblioteca nazionala de Firenze.

Por realisé l’archif regional ti él gnü surandé la deponüda legala cun les deliberaziuns dla junta provinziala di 7 de ma dl 2007, n. 1503 y di 6 de messé dl 2009, n. 1772, ala Biblioteca provinziala “Dr. Friedrich Tessmann” y ala Biblioteca provinziala taliana “Claudia Augusta”.
A na moda che la surandada sides plü scëmpla che ara vá á tramesdöes les biblioteches provinziales arjigné ca döes misciuns che vel cina che ares röia tl zënter bibliotecar: öna por la surandada de dötes les operes stampades y öna por la surandada di documënc audiovisuai.

Ala misciun de surandada: Deponüda legala regionala – sënta de surandada de operes stampades, strada Armando Diaz 8, 39100 Balsan mësson ortié inant dui ejemplars de chisc media:

  1. foliec y revistes todësces y ladines;
  2. libri, brosciüres, chertes geografiches y topografiches, atlanc, placac, jorantins, prospec, musiga stampada y publicaziuns somiëntes che reverda les ativités publiches de ënc y assoziaziuns, sciöche ince grafiches d’ert y fotografies, che é destinades ala publicaziun (te düc i lingac).

Ala misciun de surandada: Deponüda legala regionala – sënta de surandada de operes audiovisuales, strada Marconi 2, c/o Centro Trevi 39100 Balsan mësson ortié inant dui ejemplars de chisc media:

  1. foliec y revistes por talian;
  2. documënc sonurs y video, grafiches d’ert y video d’artisć, films (ince sön sostëgn digital), microformes (sön sostëgn fotochimich sciöche la pelicula), documënc sön sostëgn informatich en general (por ej. cd-rom, dvd y i.i.) (te düc i lingac).

Les döes biblioteches provinziales se crüzia adöm de tramesdöes les misciuns de surandada y cöi adöm y conservëia i media ortiá aladô de so dovëi de racoiüda.

Fondamentalmënter é düc i documënc o produc editoriai, che s’adressëia a n publich, sotmetüs ala deponüda legala. Al é anfat sce chisc produc vëgn venüs o sce ai vëgn scincá ca o sce ai vëgn partis fora te na forma analogica o digitala.

Al é stlüt fora dal dovëi de deponüda legala i estrac, les proes de stampa, i formulars, les reediziuns zënza mudaziuns, i documënc cun adoranza interna o personala, sciöche ince le material ordinar y cun püch retlam por le comerz.

De plü informaziuns:

Sogec obliá

L’editur o a vigni moda le responsabl dla publicaziun mëss se cruzié dla surandada. Sce al n’é nia mëss la tipografia se cruzié dla surandada.

Termin

La surandada mëss gní fata te 60 dis dala publicaziun dl’opera.

Surandada

Por l’Archif Nazional: n ejemplar ala Biblioteca Nazionala Zentrala de Roma por documënc stampá y cd-rom:

Biblioteca Nazionale Centrale di Roma
Ufficio Deposito legale
Via del Castro Pretorio, 105
I-00185 Roma

n ejemplar ala Biblioteca Nazionala Zentrala de Firenze:

Biblioteca Nazionale Centrale di Firenze
Ufficio Deposito legale
Via Tripoli, 36
I-50122 Firenze

n ejemplar al Istitut Zentral por i Bëgns sonurs y audiovisuai por i documënc audio y video:

Isituto Centrale per i Beni Sonori ed Audiovisivi
Via Michelangelo Caetani, 32
I-00186 Roma

n ejemplar ala Biblioteca Iuridica de Roma tl caje de publicaziuns iuridiches:

Biblioteca Centrale Giuridica c/o Palazzo di Giustizia piazza Cavour I-00193 Roma

Por l’Archif regional
Operes stampades
dui ejemplars a:

Deposito legale regionale
Sede di consegna materiale a stampa
via Armando Diaz 8
39100 Bolzano

Documënc audiovisuai
dui ejemplars a:

Deposito legale regionale
Sede di consegna documenti audiovisivi
via Marconi 2 c/o Centro Trevi
39100 Bolzano

Contrassëgn

La lege prevëiga che al vëgnes scrit sö sön vigni ejemplar: „esemplare fuori commercio per il deposito legale agli effetti della legge 15 aprile 2004, n. 106“ (“ejemplar nia sön le comerz por la deponüda legala aladô dla lege di 15 d'aurí dl 2004, n. 106”). Chësc test y la misciun dl mitënt é da scrí ince sön les copertes adorades. Por alisiré chesc laur metunse a desposiziun sön la homepage dles biblioteches n model de etichëtes.

Listes

Ala spediziun vál debojëgn da ajunté döes copies de na lista cun i ejemplars y les istituziuns che se crüzia de süa surandada. Ince te chësc caje unse arjigné ca por scemplifiché y standardisé n model de referimënt y i ves periun bel da adoré ma chësc. I le ciafëis ajunté a chësta comunicaziun y é a desposiziun sön les homepage tl format PDF y WORD. Do le control dla biblioteca ciafëise zoruch n ejemplar cuntrasotescrit dla lista che i messëis tigní sö sciöche confermaziun.

Foliec y revistes

I foliec da vigni de y les revistes pó ince gní dá jö adöm. Te chisc caji ves periunse bel da stlarí les prozedöres cun le personal responsabl.

  • Foliec y revistes por ladin y todësch:

Ester Turbiani, e-mail: pflichtexemplare@tessmann.itdepositolegale@tessmann.it

  • Foliec y revistes por talian:

Monica Marcon, e-mail: info@bpi.claudiaugusta.itm.marcon@bpi.claudiagusta.it

Formulars por la surandada de libri, revistes, foliec, documënc audiovisuai, placac; proposta por etichëtes che é da taché sö sön vigni ejemplar dé jö y sön vigni coperta che toca lapró

Formular por la surandada de libri

Formular por la surandada de revistes/foliec

Formular por la surandada de documënc audiovisuai

 Proposta por etichëtes 

 Formular por la surandada de placac