Foliec y revistes
Periodics corënc
La racoiüda de foliec y revistes dla Biblioteca provinziala taliana pîta na suravijiun dla miú publizistica liada al teritore y a disciplines spezialistiches desvalies.
Tla biblioteca vëgnel metü fora sön scafes davertes foliec da vigni de por talian y todësch y n valgönes revistes.
Tröc d’atri foliec y revistes vëgn tignis sö te n magazin defora y por podëi ti ciaré mësson s'adressé al personal dla biblioteca.
Numeri vedli
Ti pontins d'esposiziun vëgnel conservé:
- foliec dl mëis corënt
- edemai di ultimi 6 mëisc
- mensii de döt l'ann corënt
A chisc numeri de revistes y foliec ti pón pormez diretamënter.
D'atri numeri é te n magazin fora de biblioteca y an pó ma i consulté sce an damana.
Foliec y revistes te magazins defora
Por rajuns de lerch vëgn i agn plü vedli de foliec y revistes metüs te magazins defora dala biblioteca. Deache la consegnaziun pó gní a se le dé n valgügn dis do la domanda, vëgnel racomané da cherdé sö por odëi sce al é bëgn la desponibilité (tel. 0471 264444)
Al é revistes che ne vëgn nia plü stampades mo ares é na ressursa documentara de valüta por porsones che stüdia y fej inrescides y porchël vëgneres tignides sö.
Inrescida
Le catalogh online pîta informaziuns detaiades sön döt ci che é da ciafé te biblioteca. Tla biblioteca él da ciafé n post cun n computer por fá inrescides tl catalogh.
Imprëst
I foliec vëgn conscidrá material de consultaziun y ne pó porchël nia gní imprestá fora; les revistes indere pó bëgn gní imprestades fora por 10 dis, madër nia l'ultimo numer che é gnü fora.
