Orazio Leonardi

Orazio Leonardi
Orazio Leonardi

Biografia

Nasciü a Padua ai 21 de dezëmber dl 1924. Dl 1933 s’ál trasferí cun süa familia a Balsan olache al á fat les scores d'oblianza cina ala terza classa dla scora comerziala. Al á lauré tl'aziënda dl pere che fajô le sartú y gestî na botëga da guant tl Corso IX Maggio (aldedaincö Corso Libertà). Deache al ne â nia propi cis ligrëza cun l'ert da sartú ál dediché süa ativité al setur comerzial. Ai 21 d'agost dl 1943 él gnü cherdé da fá le soldá y destiné al'infantaria 232° tla caserma dla Via Vittorio Veneto. Ai 9 de setëmber él gnü pié dai soldas todësc y mené tl Lager de Sandbostel tla Germania. De novëmber ál messü jí a Hamburg a fá laur sforzé tla rafinaria dla Shell  "Rhenania Ossag". Ai 5 de agost dl 1945 él rové zoruch tla Talia y é jü da süa familia che ê gnüda porcorada demez y viô a Ronzone tla Val de Non. Tratan la vera á so pere pordü döt. Insciö laorâl ma plü da sartú, mo ciarâ tres da ciafé d'atres soluziuns. Y belavisa püc agn dedô ál podü gestí na botëga da guant. Dl 1958 ál daurí cun n so compagn y assozié na botëga y l’á stlüta dl 1990.

En ponsiun se dedichëiel a sües pasciuns: letöra, video y computer.