Alba Giampiccolo
Biografia
I sun nasciüda a Porsenú ai 12 de dezëmber dl 1922. Mi pere á damané le trasferimënt por rajuns familiares, deache mia uma ne soportâ nia le clima. Al podô chirí fora danter Balsan y Torino y al á chirí fora Balsan. Chiló ái fat la scora comerziala deache la rajoneria ne jô nia inant. I ess messü jí a Trënt, mo mia uma ne n'ê nia a öna deache i ess messü jí te n convit. Insciö él sozedü che n compagn de mi pere, che ê diretur dla scora elementara 'San Filippo Neri' y n'â tl scomenciamënt dl ann de scora nia assá insegnanc, á damané mi pere sce i ess por intant podü surantó na te inciaria. Chësc ái fat cun gran entusiasm. Mo intratan me ái cherdé dal ofize "circolo ferroviario", insciö â inlaota inom l'ofize dla motorisaziun; i sun jüda a fá n ejam da scrí a stenografia y mascin y spo sunsi gnüda tuta sö. Dijun ma, da peso co avëi n laur a tëmp determiné, deache por n mëis ái lauré daldöt debann, por dui agn alalungia a dis, por dui o trëi agn ne n'ái nia ciafé le rode y spo finalmënter ái ciafé le post a tëmp indeterminé, n laur sigü. I pó dí che i á albü dui geniturs demorvëia deache mi pere á dagnora dit che al é important da conësce la gramatica mo che jí a fá iadi y conësce d'atres cultures é n arichimënt; insciö ái podü rodé n pü' le monn cun mia so, che n'é baldi nia plü. I sun dagnora stada, y sun tres ciamó, ince sce te na manira plü da ciorvel, na porsona sportiva. Sëgn che i sun en ponsiun ái tröp tëmp lëde. Al me sá bel da scrí sö mies reflesciuns. I depënji ion cun corusc a öre o a tempera, aladô de sciöche i me sënti te chël momënt. Al me sá bel da jí a nodé, a pe y da fá ginastica. Chëstes é por me cosses che ó ester por ti dé n significat ala suraviënza. I á vit le tëmp dla vera cun sü bombardamënc. Al é gnü atoché la ciasa olache i viô cun mia familia y ci che me dô le plü, é che i n'un nia plü ciafé i diari de mi pere di 75 mëisc de prijonia tla Ruscia. Dedô á ince les ëres podü fá cariera, y a dí ma bel le dërt, ne aspetâi nia d'ater; insciö ái podü studié por mioré mia posiziun y deventé ispeturia pro la motorisaziun sciöche ejaminadëssa de patents B y C. De chësc sunsi stada dër contënta dantadöt por avëi desmostré a me instëssa da ester bona da mioré por jí inant cun entusiasm y chël n'é nia püch. (Alba Giampiccolo)
Testemonianzes desponibles tla biblioteca
- Emozioni itineranti: racconti di viaggio, 2013
- Memoria vagabonda: racconto, 2012
- Contemplatio vitae: poesie, 2011
- Tornado, 2009
- Racconti quotidiani, 2005
- Schizzi di viaggio, 2000
- Infrange il grande silenzio, 2000
- Apri la porta al giorno: poesie, 1990
