Imprëst interbibliotecar

Le sorvisc vëgn ma fat danter biblioteches.

Sce i orëis savëi avisa sciöche le sorvisc funzionëia ciaredi ales seziuns sön l'imprëst provinzial y nazional.

L'imprëst interbibliotecar vëgn regolamenté dal regolamënt por l'imprëst interbibliotecar dles biblioteches dl Südtirol (www.provincia.bz.it/cultura/temi/2718.asp)

Ci pîta pa le sorvisc? 

Le sorvisc conzed la zircolaziun de libri y media sön le teritore provinzial dal zënter ala periferia y dala periferia al zënter, y reverda chëstes biblioteches:

  1. Biblioteches a Balsan
    • Biblioteca provinziala taliana "Claudia Augusta" (zënter de racoiüda)
    • Biblioteca zivica "Cesare Battisti"
    • Biblioteca "Culture del Mondo"
    • Zënter Media audiovisuai
    • Zënter multilingual
    • Biblioteca "Oltre l'Handicap"
  2. Biblioteches dla provinzia de Balsan
    • Biblioteca zivica de Porsenú
    • Biblioteca zivica de Bornech
    • Biblioteca zëntrala todëscia de Überetsch a Eppan
    • Biblioteca publica de Lana
    • Biblioteca zënter de sistem “Don Bosco” de Laives
    • Biblioteca comunala de Mals
    • Biblioteca zivica de Maran
    • Biblioteca todëscia Unterland a Neumarkt
    • Biblioteca “Endidae” de Neumarkt
    • Biblioteca publica de Türesc
    • Biblioteca de valada “San Durich” de Urtijëi
    • Biblioteca zentrala “Don Bosco” de Laives
    • Biblioteca zivica de Sterzing
    • Biblioteca publica de Toblach
    • Biblioteca comunala de Salurn
    • Biblioteca de valada "Sas dla Crusc" da La Ila

Les porsones che á la residënza ti comuns nominá dessura pó damané da impresté fora i media dla biblioteca provinziala "Claudia Augusta" jon da öna dles biblioteches dla provinzia che tol pert al sorvisc, ince sce ai n'é nia scric ite al sistem bibliotecar de Balsan.
Por les porsones che á la residënza a Balsan se tol dant la Biblioteca provinziala "Claudia Augusta" da damané da impresté, consulté o fotocopié (tl respet dla legislaziun varënta) publicaziuns de d'atres biblioteches dla provinzia che fej pert dl sorvisc d'imprëst interbibliotecar. Libri y multimedia gnará condüc diretamënter tla biblioteca che damana do zënza paié.

Che pó pa ti rové pormez al sorvisc? 

Düc i utënc iscric ales biblioteches che fej para

Sëntes y orars

Le sorvisc d'imprëst interbibliotecar é tla Biblioteca Claudia Augusta y se tëgn a sü orars.

Ci messon pa fá por damané da impresté fora n'opera?

La domanda mëss gní dada jö de porsona, scrion fora le formular aposta, o menada tres e-mail ti scrion a chëstes misciuns:

Important! La domanda mëss gní ortiada a trames les misciuns.
Les domandes pó gní fates ince por telefon cherdan sö le numer 0471/264444. Chëstes domandes mëss spo gní confermades scrion fora le formular aposta te biblioteca.

Cosć di sorvisc

Le sorvisc d'imprëst interbibliotecar provinzial é debann; i cosć por les fotocopies indere vëgn stabilis dala biblioteca.

Tëmps da rové adalerch

Les operes che vëgn dales biblioteches provinziales vëgn dá jö tla Biblioteca Claudia Augusta vigni lönesc dadoman tres le Sorvisc de trasport dl Ofize Media audiovisuai dla Repartiziun Cultura todëscia.

Dorada dl imprëst

La dorada dl imprëst vëgn fata fora dala biblioteca y pëia ia dala data che al röia adalerch l'opera. Al utënt ti gnarál lascé alsavëi al telefon o tres e-mail che süa opera é rovada adalerch y al messará jí a se do l'opera te n'edema dala segnalaziun. Le tëmp d'imprëst pó gní arlungé denanche al tomes, sce le medium n'é nia gnü aposté da d'atri utënc. L'arlungiamënt mëss gní damané tres la biblioteca responsabla dl imprëst y nia da che che lí.

Responsabilité dl utënt

L'utënt mëss respeté les condiziuns y les restriziuns preodüdes dala biblioteca che imprësta fora y respogn personalmënter de pordüdes eventuales o danejamënc ales publicaziuns imprestades aladô dles normes stabilides dala biblioteca che imprësta.
Sce an ne se tëgn nia ai impëgns y ales condiziuns azetades gnarál sospenü l'imprëst por n tëmp stabilí dal dirigënt/dala dirigënta.

Ci pîta pa le sorvisc? 

La Biblioteca provinziala "Claudia Augusta" se tol dant da damané da impresté fora, da consulté o fotocopié publicaziuns de d'atres biblioteches talianes.

Che ti röia pa pormez al sorvisc? 

Düc i utënc scric ite.

Sëntes y orars 

Le sorvisc d'imprëst interbibliotecar é tla Biblioteca provinziala "Claudia Augusta" y se tëgn a sü orars.

Contatede la biblioteca tres e-mail ala misciun info@bpi.claudiaugusta.it o cherdede sö le numer 0471/264444.

Ci messon pa fá sce an ó impresté fora n'opera? 

La domanda mëss gní dada jö de porsona o tres e-mail scrion fora y sotescrion le formular aposta.

Desćiariede le formular por la domanda

Ci documënc pón pa damané tres l’imprëst interbibliotecar?

Ara vá da damané cina alplü trëi documënc a porsona.

Cosć dl sorvisc

Inrescí le documënt, ortié la domanda y l'opera é debann. L'utënt mëss indere rete les spëises dla biblioteca che imprësta fora y che vá mesanamënter da € 5 a € 10. Por les fotocopies vëgn i cosć da rete stabilis dala biblioteca che fornësc les operes. An mëss ince rete la soma sce an ne vá nia a do l'opera.

Tëmps da rové adalerch

Al depënn, mo plücoater da 3 a 15 dis.

Dorada dl imprëst

Al vëgn fat fora dala biblioteca che imprësta fora y pëia ia dala data che al röia adalerch l'opera. Al utënt ti gnarál lascé alsavëi al telefon o sön domanda tres e-mail, y al messará jí a do l'opera te püc dis da canche an l’á cherdé sö.

Responsabilité dl utënt

L'utënt mëss respeté les condiziuns y les restriziuns preodüdes dala biblioteca che imprësta fora y respogn personalmënter dles pordüdes eventuales o di danejamënc ales publicaziuns imprestades fora aladô dles normes stabilides dala biblioteca che imprësta fora.
Sce an ne se tëgn nia ai impëgns y ales condiziuns azetades vëgnel sospenü l'imprëst por n tëmp stabilí dal dirigënt/dala dirigënta.