Informaziuns y sorvisc

Al vëgn garantí tl cheder dles modalités fates fora aladô di criters de continuité chisc sorvisc:

  • letöra, consultaziun tla sënta,
  • informaziuns, consulënza bibliografica, interogaziun de banches dac on-line,
  • sorvisc imprëst interbibliotecar nazional y provinzial y fornidöra de documënc a destanza (document delivery),
  • reproduziun parziala di documënc tl respet dla normativa dl dërt d'autur,
  • consultaziun sön internet,
  • adoranza de stromënc multimediai (CD, DVD),
  • promoziun dla biblioteca,
  • cursc debann de alfabetisaziun digitala.

A pert i sorvisc de fotoreproduziun parziala, de scansiun otica y de imprëst interbibliotecar nazional y internazional (ciara tla tabela dles tarifes) é düc i atri sorvisc debann. Sce al vá debojëgn se crüzia la biblioteca da lascé atira alsavëi che al vëgn archité temporaneamënter le sorvisc.

Sorvisc de reference

Cun chësta parora minon i sorvisc de consulënza bibliografica, de aiüt da consulté banches dac on-line y chirí informaziuns y da pité informaziuns sön archirides te d’atres biblioteches.

Cisc sorvisc vëgn pitá debann y te döes manires:

  • front-line: dal personal dl sorvisc tratan l'orar de daurida por le publich,
  • on-line: te dui dis de laur dal'ortiada dla domanda informativa tres la misciun de posta eletronica y dagnora a öna cun i bojëgns de sorvisc.

Tl caje de inrescides amples fej fora le personal dla biblioteca cun l'utënt/utënta canche al gnará surandé i resultac.

Tl cheder dl sorvisc de reference pól gní preodü vijites acompagnades y cursc d'alfabetisaziun por adoré l'OPAC y les ressurses eletroniches y por navighé sön internet.

Tabela dles tarifes por les fotocopies

  • fotocopies Din A4 b/n € 0,15 - 0,50 a corusc
  • fotocopies Din A3 b/n € 0,30 - 1 a corusc
  • tessera 30 fotocopies € 2,25
  • stampa da postaziun PC A4 b/n € 0,15

Navighé sön internet

Gratis por studëntes y studënc scric ite tla bpi (öna n’ora al de da lön. a sab.) cun tessera sanitara/cod. fiscal.

Wi-fi debann por utënc iscric aladô de ci che é preodü dal regolamënt dla biblioteca.